امريكا والأنتخابات جزء (1)

10 ايام ويسدل الستار عن الرئيس الأمريكى وافتكر ان الكل عارف ان باراك اوباما هو هذا الشخص وسيكون خلفا لبوش الأبن والذى اثبت لكل شعوب العالم كله بما فيهم الشعب الأمريكى انه اخذ وسام الأستحقاق والجداره كونه افشل رئيس للولايات المتحده الأمريكيه. ففى عهده دخلت امريكا فى ( حرب ضد الأرهاب ) وده طبعا رأى بوش فقط وتكبدت خزينة الدوله مليارات الدولارات فى هذه الحرب وايضا آلاف القتلى الامريكيين والسبب الاساسى من وجهة نظرى فى ازمه الغلاء الحاليه وكانت بدايتها البترول طبعا ومن وجهة نظرى ايضا البترول هو السبب الرئيسى فى دخول امريكا الحرب على العراق وغلى البترول وجر وراه كل حاااجه وطبعا ماننساش الوقود الحيوى وياسلام على الوقود الحيوى طبعا ده احد اسباب نقص بعض المواد الغذائيه فى العالم اوغلو ثمنها وفى الاخر السبب الرئيسى فى انهى فتره حكمه بكساد اقتصادى ولده فى امريكا ثم صدره للعالم كله. يوم 15/9/2008 اليوم الاسود فى سجل الاقتصاد الامريكى خاصه وده طبعا انا مش حزين عليه لكن بالتاكيد كان له اثر على الاقتصاد العالمى. افلاس بنكيين فى امريكا يعمل كده ياسبحان الله بس للامانه هما من اكبر 5 بنوك فى امريكا المهم ياعنى ماعلينا من وجهة نظرى ان بوش وسياسته الأقتصاديه اللى ماشيه على منهج الربا والاقتراض والرهانات العقاريه هما هما اسباب هذا الكساد والله اعلم ....... وللحديث بقيه