غزة غزة غزة غزة.................
الأوله
هات المسطرة والقلم
خلينى أسطر الألم
وأشطب بإيدى الأمل
وإياك تقولى عيد سعيد
قول كل عيد وإنت فى عدم
أصل السكوت غلب الكلام
والكل شارك فى العفن
الثانية
كل عام وإحنا فى مرار
ورؤسنا دايمًا فى انكسار
امتى هيزيحوا الحصار
عايشين حياتنا فى انفجار
لا تقولى بوش ولا أوباما
ستين سنة كان الحصار
ماحد فيهم خد قرار
ولا حتى كلمة اعتذار
التالتة
يا قدس يا شمس الأصيل
يا ناسى ياللى فى الخليل
وف رام اللّه ويافاوطيبة وأبو الحصين
ياجب يوسف يا آل نوح ودير ياسين
يا عرب الحناجرة والعبايدة والرشايدة
يا أهل العزازمة والسواهدة والكعابنة
يا أهل الحصاربكرة جايب الانتصار
بعد طول الانتظار
بكره اللى جاى ابن الشهيد
حالف فى يوم ليكون عنيد
راسم فى قلبه الهلال ويا الصليب
بإيدين عفية من عزيمة تكون م الحديد
تنزل على قلب الغريب
أصله يهودى البعيد
والنهارده إن مات شهيد
بكرة ألف مولود جديد
مصطفى السرتى
هناك 4 تعليقات:
اخى المهندس . AL Masrey Afndey
اولا كل سنة وانت وجميع الاهل فى كمال النعمة
شكرا على اطرائك ، لم تخبرنى هل تصلك ردودى ، النقد والتوجيه عندى انفع من اى شئ اخر لانى عجوز
معزرة لتاخير الرد لان الجهاز مطلع عينى . واستخدام اجهزة الولاد يقف علية بالخسارة
تحياتى
ذهبت للمدونة وقرات الاولة والثانية والثالثة ومعرفة العائلات الغزوية ادخلتنى فى حيرة من انت
جميلة جدا ارجوا منك ان تستمر
كويسة جدا القصيدة بس هي لمين بالظبط
القصيدة تلك اوضحت مدي الظلم اللي واقع علي الفلسطينين قلبي معاهم
إرسال تعليق